पोखरा । नेपाल पुलिस क्लबका स्यान्टू श्रेष्ठले नवौं राष्ट्रिय खेलकुदअन्तर्गत टेवल टेनिसको पुरुष एकलमा स्वर्ण जितेका छन् । पोखरामा आज (बुधबार) बिहान भएको फाइनलमा स्यान्टूले एपीएफका रुवेन महर्जनमाथि ४-१ को सेटमा सहज जित निकाले । उनले ११-८, ११-७, ११-९, ६-११ र ११-६ को सेटमा फाइनल जितेका हुन् । नेपाल पुलिसका लागि खेलेका स्यान्टूले नवौं राष्ट्रिय खेलकुदमा जितेको यो तेश्रो स्वर्ण जिते । उनले पुरुष टिम र पुरुष डवल्समा पनि स्वर्ण जितेका थिए ।

२ महिनाअघि अष्ट्रेलिया पुगेका स्यान्टू नवौं राष्ट्रिय खेलकुद प्रतियोगिताकै लागि नेपाल आएका हुन् ।