काठमाडौँ । बाराको परवानीपुर गाउँपालिका ३ लिपनीमालको बिएस पार्टी प्यालेसमा आइतबार बिहानदेखि निःशुल्क मलेसिया जाने युवाको भिड लागेको छ ।

ललितपुरस्थित ग्वार्कोमा रहेको इन्टरनेशनल म्यानपावर रिक्वायरमेन्ट कम्पनीमार्फत बारा निर्वाचन क्षेत्र नम्बर ४ का उम्मेदवारले युवाहरूको अन्तर्वार्ता लिन थालेको हो । मलेसियामा रहेको स्याकारिता सिनकलंङ्ग प्लाष्टिक इन्डष्ट्रिज कम्पनीमा ‘फ्रि टिकेट, फ्रि भिजा’ दिएर पठाउने योजना छ ।

चुनावलाई केन्द्रित गरेर नेकपा एकीकृत समाजवादीका नेता किसान श्रेष्ठले निःशुल्क कोटामा वैदेशिक रोजगारीमा पठाउने भन्दै युवालाई प्रलोभनमा पार्ने काम भएको हो ।

उनीहरूका अनुसार नेता श्रेष्ठकै पहलमा निःशुल्क कोटामा विदेश जान पाइने पूर्व सूचनाअनुसार अन्तर्वार्ता लिइएको छ । यता नेता श्रेष्ठका प्रतिस्पर्धी एकबल मियाँले निःशुल्क कोटामा वैदेशिक रोजगारीमा पठाउने भन्दै युवाहरुलाई प्रलोभनमा पार्ने काम
गरेकोप्रति आपत्ति जनाएका छन् ।