काठमाडौँ । पोखरामा सम्पन्न नवौं राष्ट्रिय खेलकुद प्रतियोगिता विभागीय टोली नेपाल आर्मीले एक सय ७२ स्वर्णसहित पहिलो स्थानमा रहेको छ । आर्मीले एक सय ७२ स्वर्णसहित कूल तीन सय ७१ पदक हात पारेको छ।

खेलको दोस्रो स्थान एपीएफले सुरक्षित गरेको छ । एपीएफले ६५ स्वर्णसहित दुई सय १९ पदक हात पारेको छ । यस्तै, नेपाल पुलिस ६१ स्वर्णसहित एक सय ९५ पदक जित्दै तेस्रो स्थानमा छ ।

आयोजक गण्डकी ३२ स्वर्णसहित एक सय २०, बागमती २४ स्वर्णसहित एक सय ४५, प्रदेश १ः १० स्वर्णसहित ८३, सुदूरपश्चिम १० स्वर्णसहित ६३, एनआरएनए १० स्वर्णसहित २६, लुम्बिनी छ स्वर्णसहित ६८, मधेश पाँच स्वर्णसहित ३९ र कर्णालीले दुई स्वर्णसहित १८ पदक हात पारेको छ ।

खेलकुदको समारोहका बीच आज समापन भएको हो । असोज २८ गते उपराष्ट्रपति नन्दबहादुर पुनले समुद्घाटन गरेको प्रतियोगिताको प्रधानमन्त्री शेरबहादुर देउवाको प्रमुख आतिथ्यतामा प्रतियोगिता समापन गरिएको हो ।