काठमाडौँ । कतारमा हुन गइरहेको आगामी फुटबल वल्ड्रकपका लागि खल्तीले वल्ड्रकप टिभी प्याकेज ल्याएको छ । जसमा प्रयोगकर्ताले पाँच सय रुपैयाँमा प्याकेज खरिद गर्न सक्ने छन् ।

यसैबीच, खल्तीले आफ्ना प्रयोगकर्ताका लागि हजार वल्ड्रकप टिभी प्याकेजहरूको रोमाञ्चक उपहार ल्याएको छ । खल्ती प्रयोगकर्ताले ‘विश्वकप’ खल्ती क्विज, डिल डे अफर, दामी क्यूआर स्क्यानमा सहभागी भई विश्वकप टिभी प्याकेज जित्न सक्ने छन् । यस्तै, केही भाग्यशाली प्रयोगकर्ताले विश्वकप टिभी प्याकेज खरिदमा पूरै क्यासब्याक पाउने छन् ।

यस अफरको बारेमा खल्तीका प्रमुख कार्यकारी अधिकृत विनय खड्काले भने, ‘विश्वभर सबैभन्दा धेरै हेरिने खेलकुद इभेन्टमध्ये यसको क्रेजलाई ध्यानमा राख्दै हामी प्रत्येक नेपालीको घरघरमा यो सेवा तत्काल उपलब्ध गराउने सुनिश्चित गर्न डिजिटल भुक्तानीको सुविधा दिन पाउँदा खुसी छौँ, मलाई विश्वास छ कि, हाम्रा प्रस्ताव र उपहारले विश्वकपको सिजनलाई थप आकर्षक र रमाइलो बनाउनेछ ।’

खल्ती एपभित्र नेट टिभीलगायतका अन्य टिभी प्रदायकको वल्ड्रकप टिभी प्याकेजहरू उपलब्ध छन् । अफरमा सहभागी हुन सबै खल्ती प्रयोगकर्ताले सक्ने छन् ।