छुट्टाछुट्टै सवारी दुर्घटनामा सात जनाको मृत्यु

काठमाडौं । काठमाडौं महानगरपालिका-४ चप्पल कारखानास्थित सडकमा ना.३ ख ५२४७ नम्बरको ट्रकले बा.प्र.०३-०२-००६ प ९६२७ नम्बरको मोटरसाइकललाई शुक्रबार दिउँसो ठक्कर दिँदा मोटरसाइकल चालक पर्सा ढोरी घर भई हाल काठमाडौं जडिबुटी बस्ने ४५ वर्षीय कुमार राई र मोटरसाइकलमा सवार उनकी श्रीमती ३८ वर्षीय मेनुका राईको मृत्यु भएको छ ।
दुर्घटनामा गम्भीर घाइते भएका उनीहरूको शिक्षण अस्पताल महाराजगंजमा उपचारको क्रममा मृत्यु भएको हो । दुबै सवारी साधन र ट्रक चालकलाई प्रहरीले नियन्त्रणमा लिएको छ ।
रूपन्देही, तिलोत्तमा नगरपालिका-२ जानकीनगरस्थित सडकमा लु.४४ प ८२०१ नम्बरको मोटरसाइकललाई लु.१ क ५२७६ नम्बरको रेडिमिक्स (सिमेन्ट घोल्ने गाडी) ले शुक्रबार राति ठक्कर दिँदा मोटरसाइकल चालक सैनामैना नगरपालिका-१ रानिबगिया बस्ने ३६ वर्षीय नर बहादुर कँडेलको घटनास्थलमै मृत्यु भएको छ । दुबै सवारी साधन र रेडिमिक्स चालकलाई प्रहरीले नियन्त्रणमा लिएको छ ।
काभ्रे, नमोबुद्द नगरपालिका-६ चरङ्गेफेदीस्थित सडकमा रामेछापबाट काठमाडौंतर्फ आउँदै गरेको बागमती प्रदेश ३-०१-००५ ख ९५६५ नम्बरको बसको ठक्करबाट पैदलयात्री सोही ठाउँ बस्ने ४० वर्षीय चण्डेश्वर न्यौपानेको शुक्रबार साँझ मृत्यु भएको छ । ठक्करबाट गम्भीर घाइते भएका उनको धुलिखेल अस्पतालमा उपचारको क्रममा मृत्यु भएको हो । बस र चालकलाई प्रहरीले नियन्त्रणमा लिएको छ ।
धनुषा, मिथिला नगरपालिका-७ ढल्केबरस्थित सडकमा ढल्केबरबाट लक्ष्मीनिवासतर्फ जाँदै गरेको प्र.२-०२-००५ प ७८५४ नम्बरको मोटरसाइकलको ठक्करबाट पैदलयात्री हाल नाम, थर, वतन नखुलेकी अन्दाजी ३५ वर्षीया महिलाको शुक्रबार राति मृत्यु भएको छ । ठक्करबाट गम्भीर घाइते भएकी उनको मोडल अस्पताल लालगढमा उपचारको क्रममा मृत्यु भएको हो । मोटरसाइकल र चालकलाई प्रहरीले नियन्त्रणमा लिएको छ ।
बर्दिया, राजापुर नगरपालिका-४ स्थित सडकमा भे.२ त १००० नम्बरको ट्याक्टर अनियन्त्रित भई शुक्रबार राति दुर्घटना हुँदा ट्याक्टर चालक सोही नगरपालिका-३ उत्तर टेडिया बस्ने १९ वर्षीय किशोर थारुको घटनास्थलमै मृत्यु भएको छ ।
बारा, जितपुरसिमरा उपमहानगरपालिका-९ वीरगंज पथलैया सडकको छातापिपरा चोकमा वीरगंजबाट जितपुरतर्फ जाँदै गरेको हाल नम्बर नखुलेको ट्रकको ठक्करबाट पैदलयात्री सर्लाही ईश्ववरपुर नगरपालिका-१५ बस्ने २८ वर्षीय मनोज माझीको मृत्यु भएको छ । बिहीबार राति उक्त ट्रकले ठक्कर दिँदा गम्भीर घाइते भएका उनको एलएस न्यूरो परवानीपुर अस्पतालमा उपचारको क्रममा शुक्रबार राति मृत्यु भएको हो ।
दुर्घटनामा शंकास्पद ना.६ ख ५८८१ नम्बरको ट्रक र चालकलाई प्रहरीले आवश्यक अनुसन्धानको लागि नियन्त्रणमा लिएको छ ।
दुर्घटनाका सम्बन्धमा प्रहरीले थप अनुसन्धान गरिरहेको छ ।
















प्रतिनिधिसभा सदस्य निर्वाचनः निर्वाचन आचारसंहिता कडाइका साथ पालना गराउन उद्योगीको माग
त्रिशूली किनारमा भेटिएको ‘गणपति डिलक्स’काे उत्खनन स्थगित
गृहमन्त्रीद्वारा काठमाडौँका कारागारहरूको निरीक्षण- सुधारका लागि निर्देशन
२३ सदस्यीय महिला फुटबल टोली घोषणा
कांग्रेसको घोषणापत्रमा सुशासन र विकासलाई प्राथमिकतामा राखिने
टि–२० विश्वकपमा बङ्गलादेशलाई स्कटल्याण्डले प्रतिस्थापन गर्दै
हिमपातले अवरुद्ध बनेको मध्यपहाडी लोकमार्ग सञ्चालन
मौसम बदलीट: कुनकुन जिल्लामा भयो वर्षा र हिमपात ?
ओलीसहितको सार्वजनिक बहसमा सहभागीता हुन बालेनले गरे अस्वीकार
विश्वकप अभ्यास : अन्तिम खेलमा श्रीलंकामाथि नेपालको शानदार जित
प्रतिक्रिया