कामठाडौँ । आइसिसी विश्वकप क्रिकेट लिग २ अन्तर्गत शृंखलाका लागि नामिबिया जानुअघि नेपाली क्रिकेट टोलीले एक साता भारतमा प्रशिक्षण गर्ने भएको छ ।

नेपाल क्रिकेट संघ (क्यान)ले मंगलबार नामिबिया जाने टोलीलाई बिदाइ गरेको हो । नेपाली टोली भारतमा एक साताको अभ्यासपछि नामिबिया प्रस्थान गर्नेछ ।

नेपाली टोलीलाई क्यानका कोषाध्यक्ष रोशनकुमार सिंह र केन्द्रीय सदस्य दुर्गाराज पाठकले बिदाइ गरे । क्यानले आइतबार रोहित पौडेलको कप्तानीमा नामिबिया भ्रमणमा जाने १४ सदस्यीय टोलीको घोषणा गरेको थियो । 

शृङ्खलामा नेपालले घरेलु टोली नामिबिया र स्कटल्याण्डको सामना गर्ने छ । नेपाल २० खेलमा १७ अंकसहित छैटौँ स्थानमा छ । नामिबिया २४ खेलमा २८ अंकसहित चौथो स्थानमा छ । स्कटल्याण्ड भने २८ खेलमा ४० अंकसहित दोस्रो स्थानमा छ ।

नेपालको टोली :

रोहितकुमार पौडेल (कप्तान), आसिफ शेख, दीपेन्द्र सिंह ऐरी, कुशल भुर्तेल, ललित राजवंशी, सोमपाल कामी, सागर ढकाल, अर्जुन साउद, ज्ञानेन्द्र मल्ल, आरिफ शेख, गुलशन झा, करण केसी, हरिशंकर साह, नन्दन यादव ।