काठमाडौँ । कतारमा जारी फिफा विश्वकपमा घानाविरुद्धको खेलमा पोर्चुगल कप्तान क्रिटियानो रोनाल्डोले इतिहास बनाएका छन् ।

स्टेडिएम नाइन सेभन फोरमा जारी खेलको ६५ औँ मिनेटमा कप्तान रोनाल्डोले गोल गर्दै व्यक्तिगत इतिहास बनाएका हुन् ।

घानाका डिफेन्डर मोहमद सलिसुले रोनाल्डोलाई बक्सको बायाँतर्फ फाउल गरेपछि पोर्चुगलले पेनाल्टी पाएको थियो ।

उक्त पेनाल्टीलाई सदुपयोग गर्दै रोनाल्डोले गोल गरे । उनले गरेको गोलसँगै उनी पाँच वटा विश्वकपमा गोल गर्ने खेलाडी बनेका छन् ।