काठमाडौं । सुख्खा याम लागेसँगै नेपालको उत्पादन घटेपछि भारतबाट बिजुली किन्न थालिएको छ । सुख्खा याम लागेसँगै नदीको प्रवाह घट्दै जाँदा समग्र उत्पादन खुम्चिन्छ । नेपाल विद्युत् प्राधिकरणले नेपालको माग र आपूर्तिको व्यवस्थापन मिलाउन भारतबाट बिजुली किन्न थालेको हो । प्राधिकरणका अनुसार यति बेला नेपालले भारतबाट किन्ने र बेच्ने बिजुलीको परिमाण बराबर जस्तै छ ।
यति बेला नेपालको कूल उत्पादन १ हजार मेगावाट आसपास रहेको प्राधिकरणका प्रवक्ता सुरेश भट्टराईले जानकारी दिए । उनले सुख्खा याम लागेसँगै नेपालले भारतबाट बिजुली किन्न थालेको पुष्टि गरे ।