आइतबार, मंसिर १४, २०८२

कतार विश्वकप २०२२

फ्रान्सविरुद्ध मोरोक्कोले आजको खेलमा ५ डिफेन्डर खेलाउने

मेरोन्यूज २०७९ मंसिर २९ गते ०:२८

काठमाडौं  । कतारमा जारी फिफा विश्वकप २०२२ को दोस्रो सेमिफाइनलमा मोरक्कोले साविक विजेता फ्रान्सविरुद्ध अहिले केही समयपछि प्रतिस्पर्धा गर्दैछ । मोरोक्कोले आजको खेलमा ५ डिफेन्डर खेलाउने भएको छ ।

खेल नेपाली समयअनुसार मध्यरात १२:४५ बजे सुरु हुनेछ ।

फ्रान्सले इंग्ल्यान्डलाई हराएको खेलबाट टोलीमा दुई परिवर्तन गर्दा मोरक्कोले दुई डिफेन्डर भित्र्याएको छ । चोटका कारण पछिल्लो खेल गुमाएका बायर्न म्युनिखका नुसेर माजरोइ र वेस्ट ह्यामका नाएफ अगुएर्ड मोराक्कोको टोलीमा आएका छन् ।

मिडफिल्डर सलिम अमाल्लाह र डिफेन्डर याह्या अतिआत-अल्लाह बेन्चमा पुगेका छन् ।

यता फ्रान्सका मिडफिल्डर एड्रिएन राबिओट टोलीमा नै छैनन् । उनको स्थानमा युसुफ फोफाना खेल्दैछन् । त्यस्तै डिफेन्डर डायोट उपामेकानो बेन्चमा पुग्दा लिभरपुलका इब्राहिमा कोनाटे सुरुवाती रोजाइमा खेल्दैछन् ।

फ्रान्सको सुरुवाती ११ :

ह्युगो लोरिस, राफाएल भारान, जुल्स कुन्डे, थिओ हर्नान्डेज, इब्राहिमा कोनाटे, युसुफ फोफाना, ओरेलिएन चुआमेनी, एन्टोइन ग्रिजमन, ओस्मान डेम्बेले, किलीयन एमबाप्पे, ओलिभिएर जिरुड

मोरक्को सुरुवाती ११ :

यासिन बोनो, अक्रफ हाकिमी, नुसेर माजारोइ, नाएफ अगुएर्ड, जवाद एल यामिक, रोमन साइस, सोफ्यान अम्राबाट, एजेदीन ओनाही, हाकिम जिएच, सोफियान बौफाल, युसुफ एन नेसरी

प्रतिक्रिया