काठमाडौँ । प्रधानमन्त्री शेरबहादुर देउवा र नेकपा माओवादी केन्द्रका अध्यक्ष पुष्पकमल दाहाल प्रचण्ड नेकपा एकीकृत समाजवादीका अध्यक्ष माधव नेपाललाई भेट्न पुगेका छन् ।

निमोनिया देखिएपछि त्रिवि शिक्षण अस्पताल महाराजगञ्जमा भर्ना भएका नेपाललाई भेट्न सत्ता गठबन्धनका दुई नेताहरू पुगेका हुन् । भेटमा उनीहरूले नेपालको स्वास्थ्य अवस्थाबारे जानकारी लिँदै स्वास्थ्य लाभको कामना गरेका थिए ।

नेपाललाई अस्पतालका उपनिर्देशक डा. सन्तकुमार दासको नेतृत्वमा रहेको चिकित्सकको टोलीले उपचार गरिरहेको छ । उनलाई अस्पतालको डिलक्स क्याबिनको बेड नं ५०१ मा भर्ना गरिएको छ ।