काठमाडौं । चीनमा सम्पन्न भएको ईसिआई अवार्ड २०२२ मा नेपालको तर्फबाट आउटरिचले प्रोडोक्ट र मोडेल इनोभेसन र मार्केटिङ इनोभेसन गरी २ विधामा काँस्य पुरस्कार जित्न सफल भएको छ ।

ग्लोबल ईसिआई अवार्ड २०२२ को विजेताहरुको घोषणा ३० डिसेम्बर, २०२२ मा गरिएको थियो । अवार्ड अन्तर्गतका तीन विधाहरु प्रोडोक्ट र मोडेल यइनोभेसन, मेटा भर्सन एप्लिकेसन इनोभेसन र मार्केटिङ इनोभेसनतर्फ स्वर्ण, रजत र काँस्य अवार्ड विजेता देशहरुमा हङकङ, स्वटीजरल्यान्ड इटली, क्यानडा, अमेरिका , बेलायत, साउदी अरेयिबा, ब्राजिल, थाइल्यान्ड, तेपाई सिटि अष्टेलिया लगायतका देशहरु रहेका छन् ।

समारोहमा ईसिआई अवार्ड का सभापति लिजुन जाईले चीनमा चलिरहेको महामारीको कारण यो पटक सबै सहभागीहरुलाई भौतिक रुपमा उपस्थित गराउन नसकेकोले भर्चुअल माध्यमबाट अवार्डको घोषणा गर्नु परेको बताएका थिए ।

यो अवार्ड नव प्रवद्र्धनको प्रभावकारितालाई मानक मानेर प्रदान गरिने विश्वस्तरीय अवार्ड हो ।