काठमाण्डौँ । ग्राहकहरूलाई सबैभन्दा किफायती र आकर्षक इन्टरनेट प्याकेजहरू प्रदान गर्दै आएको इन्टरनेट सेवा प्रदायक सीजीएनईटीले नेपालकै पहिलो पोस्टपेड इन्टरनेट सेवा सार्वजनिक गरेको छ ।

यस योजनाअन्तर्गत कम्पनीले एक हजार ४९ रुपैयाँमा २५० एमबीपीएस इन्टरनेट र एक हजार १५४ रुपैयाँमा प्रति महिनामा २५० एमबीपीएस र आईपीटीभी प्रदान गर्ने जनाएको छ ।

कम्पनीका अनुसार यो योजनाले कम मूल्यमा उच्च गतिको इन्टरनेट खोज्ने ग्राहकहरूले अब एकमुष्ट रकम नतिरेर मासिक आधारमा भुक्तानी गर्न सक्ने भएकाले पोष्टपेड प्लानबाट उच्च लाभ लिन सक्ने छन् ।

ग्राहकको आवश्यकतालाई ध्यानमा राख्दै सीजीएनईटीले यो नयाँ पोस्टपेड योजना ल्याएको हो । “पहिले सेवा पछि पैसा”को अवधारणाले सुरु गरिएको यस योजनाले ग्राहकहरूलाई इन्टरनेट प्रयोग गरे पछि भुक्तानी गर्ने विशेष सेवा दिनेछ ।

यो नियमित प्रिपेड प्लानहरूभन्दा सस्तो छ । जसले मासिक रूपमा भुक्तानी गर्दा पनि वार्षिक प्याकेज बराबरको सेवा सुविधा प्रदान गर्छ । साथै, फिर्ता गरिने गरी दुई हजार पाँच सय रुपैयाँको धरौटीबाहेक ग्राहकले राउटर, ड्रप–वायर र जडान खर्च जस्ता कुनै पनि अतिरिक्त शुल्क तिर्नु पर्ने छैन ।

इन्टरनेट क्षेत्रको भुक्तानी प्रक्रियालाई नै रूपान्तरण गर्ने प्रयासमा सीजीएनईटीले प्रयोगकर्ताका लागि पहिले कहिले नसुनेका लाभसहित पोस्टपेड योजना ल्याएको छ ।