काठमाडौं । पोखरामा भएको यती एयरलाइन्सको विमान दुर्घटनामा १० महिने शिशुसहित एक डाक्टर दम्पत्तिको पनि मृत्यु भएको छ । यस्तै अर्का डाक्टरको पनि मृत्यु भएको नेपाल चिकित्सक संघले जनाएको छ ।

डा.सुशिल श्रेष्ठ र डा.शोना दिवाकरका १० महिने शिशुको दुर्घटनामा मृत्यु भएको संघले जनाएको छ । यसैगरी डा.गणेश थापाको पनि मृत्यु भएको हो । संघले दुर्घटनामा परी उनीहरुको असामयिक निधन भएकोमा स्तब्ध भएको जनाएको छ ।