काठमाडौँ । सत्ता साझेदारी दल राष्ट्रिय स्वतन्त्र पार्टी (रास्वपा)ले तीन मन्त्रालय मात्रै पाउने भएको छ । पार्टी सभापति रवि लामिछाने उपप्रधानमन्त्री तथा गृहमन्त्री भइसकेका छन् ।

सरकार विस्तार गर्ने तयारी भएसँगै रास्वपाले अब थप दुई मन्त्रालय पाउने भएको हो । प्रधानमन्त्री पुष्पकमल दाहाल ‘प्रचण्ड’ र नेकपा एमाले अध्यक्ष केपी शर्मा ओलीबीच भएको छलफलपछि मन्त्रालय भागबण्डा टुंगिएको हो ।

सोमबार एमाले अध्यक्ष ओलीको निवास बालकोटमा सत्ता गठबन्धनका दुई शीर्ष नेताहरूबीच छलफल भएको थियो ।

रास्वपाले स्वास्थ्य तथा जनसंख्या मन्त्रालय पाउने पक्का भइसकेको छ । अर्को मन्त्रालय युवा तथा खेलकुद पाउने सम्भावना छ । खेलकुद मन्त्रालयमा माओवादीले पनि दाबी गर्दै आएको छ ।