काठमाडौं । नेकपा (माओवादी केन्द्र)का अध्यक्ष तथा प्रधानमन्त्री पुष्पकमल दाहाल प्रचण्डको मन्त्रिमण्डलमा ४ जना उपप्रधानमन्त्री बन्ने भएका छन् ।

प्रधानमन्त्रीले एमाले, माओवादी, राष्ट्रिय स्वतन्त्र पार्टी र राप्रपाका एक एक जना नेताचलाई सरकारमा सहभागी बनाएर उपप्रधानसहितको मन्त्रालय जिम्मा दिन लागेका हुन् । यस अगाडी नै प्रचण्ड नेतृत्वको सरकारमा तीन जना उपप्रधानमन्त्री भईसकेका छन् ।

आज विस्तार गरिने मन्त्रीमण्डलमा अर्का एक जना पनि उपप्रधानमन्त्रीका रुपमा थपिने भएका छन् ।

राप्रपाका अध्यक्ष समेत रहेका राजेन्द्र लिङदेनलाई आज उपप्रधानसहित उर्जा, जलस्रोत तथा सिँचाई मन्त्रीको जिम्मेवारी दिन लागिएको छ ।

यस अगाडी एमाले उपाध्यक्ष विष्णु पौडेल उपप्रधानसहित अर्थ, माओवादीका बरिष्ठ नेता नारायणकाजी श्रेष्ठ उपप्रधान तथा भौतिक पूर्वाधार तथा यातायात र राष्ट्रिय स्वतन्त्र पार्टीका सभापति रवि लामिछाने उपप्रधान तथा गृहमन्त्रीको जिम्मेवारीमा छन् ।

लामिछाने र लिङदेन दुवै आ आफना पार्टीका अध्यक्ष पनि हुन् ।