काठमाडौं । एनआइसी एशिया बैंक लिमिटेडले ब्याजदर परिमार्जन गरेको छ । माघ महिनाका लागि सार्वजनिक ब्याजदरकाे आलोचना भएपछि बैंकले ब्याजदर परिमार्जन गरेको हो ।

बैंकले व्यक्तिगत मुद्दती अन्तर्गतको खाताहरुको ब्याजदर घटाएको हो । एनआइसी एशिया बैंकले सर्वश्रेष्ठ मुद्दती खाताको ब्याजदर ११ प्रतिशत कायम गरेको छ । यसअघि बैंकले सार्वजनिक गरेको व्याजदरमा ११.४२ प्रतिशत ब्याजदर निर्धारण गरेको थियो ।

साथै बैंकले मासिक निक्षेप खाताको पनि ११ प्रतिशत ब्याजदर कायम गरेको छ । यसअघि बैंकले ११.४२ प्रतिशत ब्याजदर निर्धारण गरेको थियो । त्यस्तै बैंकले सर्वश्रेष्ठ रेमिट्यान्स मुद्दती निक्षेपको ब्याजदर पनि १२.४२ प्रतिशतबाट परिमार्जन गरी १२ प्रतिशत कायम गरेको छ ।

साथै तीन महिनादेखि ५ वर्षसम्म अवधिको लागि व्यक्तिगततर्फ ११ प्रतिशत र संस्थागततर्फ ९ प्रतिशत ब्याजदर कायम गरेको छ । यसअघि बैंकले यसै खाता अन्तर्गत व्यक्तिगतमा ११.४२ र संस्थागततर्फ ९.४२ प्रतिशत ब्याजदर निर्धारण गरेको थियो ।