काठमाडौँ । पूर्वअर्थमन्त्री तथा नेकपा माओवादी केन्द्रका उपमहासचिव वर्षमान पुन डिस्चार्ज भएका छन् । स्वास्थ्यमा सुधार देखिएपछि उनी अस्पतालबाट डिस्चार्ज भएका हुन् ।

एक कार्यक्रमका लागि गृह जिल्ला रोल्पा पुगेका नेता पुनको स्वास्थ्यमा समस्या देखिएपछि हेलिकप्टरमार्फत काठमाडौँ फर्किएका थिए । लगत्तै उनी सुमेरु अस्पताल भर्ना भएका थिए ।

अस्पतालमा एक साता उपचार गरेपछि उनी आज डिस्चार्ज भएका हुन् । अस्पतालबाट डिस्चार्च भएसँगै उनलाई चिकित्सकले कलेजो प्रत्यारोपणको सल्लाह दिएको उनको सचिवालले जनाएको छ ।