काठमाडौँ । कानुन भनेको सवैका लागि बराबरी हुनुपर्छ । हामी काहाँ कानुन सानालाई लाग्छ, ठूलालाई लागेको देखिदैन । राज्यले बनाएका नीति नियम सानाका लागि मात्रै बनाएका जस्तो हामीकहाँ देखिन्छ । तर बेलायतमा त्यस्तो छैन । बेलायती प्रधानमन्त्री नै सिट बेल्ट नबाँधी गाडीमा सवार भएपछि उनलाई प्रहरीले जरिवाना गराएको छ ।

बेलायती प्रधानमन्त्री ऋषि सुनकलाई प्रहरीले सिटबेल्ट नबाँधेको आरोपमा जरिवाना गरेको छ । गुडिरहेको कारमा सामाजिक सञ्जालका लागि भिडियो बनाउँदै गर्दा प्रधानमन्त्री सुनकले सिटबेल्ट नबाँधेको भन्दै प्रहरीले जरिवाना गरेको हो ।

प्रधानमन्त्री कार्यालय टेन डाउनिङ स्ट्रिट ले प्रधानमन्त्री सुनकले सानो भिडियो बनाउनका लागि सिटबेल्ट खोलेको बताएको छ । प्रधानमन्त्री कार्यालयबाट जारी वक्तव्यमा भनिएको छ, -प्रधानमन्त्रीले आफ्नो गल्ती स्वीकार गर्नु भएको छ । यसका लागि उहाँले माफीसमेत माग्नु भएको छ । उहाँ यो मान्नुहुन्छ कि सबैले सिटबेल्ट लगाउनुपर्छ ।