आइतबार, मंसिर १४, २०८२

योगिनी कप फुटबल प्रतियोगिता हुने

मेरोन्यूज २०७९ माघ ८ गते ११:०५
फाइल तस्बिर

नेपालगन्ज । योगिनी कप फुटबल प्रतियोगिताको दोस्रो संस्करण हुने भएको छ । योगिनी युवा क्लबको आयोजनामा हुन लागेको प्रतियोगिता फागुनको अन्तिम सातामा हुने भएको हो ।

प्रतियोगिता खजुरा गाउँपालिका वडा नम्बर २ स्थित योगिनी उच्च माविको खेल मैदानमा हुनेछ । प्रतियोगिता आयोजना मिति र पुरस्कार रकमबारे क्लबको आगामी बैठकले निर्णय गर्ने आयोजकले बताएको छ ।

गत शनिबार बसेको क्लबको बैठकले प्रतियोगिता आयोजनाको तयारी अगाडी बढाउने निर्णय गरेको अध्यक्ष तरिन्द्रबहादुर थापाले बताए ।

। बाँके जिल्ला फुटबल संघको प्राविधिक सहयोगमा हुने प्रतियोगितामा लुम्बिनी प्रदेश र सुदुरपश्चिम प्रदेशका क्लबहरुले सहभागिता जनाउने आयोजकले बताएको छ । यसपटक प्रतियोगितामा करिब १५ क्लबको सहभागिता रहने क्लबका अध्यक्ष थापाले बताए ।

प्रतियोगितालाई व्यवस्थित तरिकाले अगाडी बढाउन संयोजक र उप–संयोजक मनोनित गरिएको छ । प्रतियोगिताको संयोजकमा हरि बहादुर बुढाक्षेत्री र सह–संयोजकमा ईश्वरलाल खत्रीलाई क्लबको बैठकले मनोनित गरेको छ ।

नेपाल आईस योगिनी कप फुटबल प्रतियोगिताको पहिलो संस्करण २०७७ सालमा भएको थियो ।

प्रतिक्रिया