अभिनेत्री आथिया शेट्टी र क्रिकेटर केएल राहुलले भर्खरै विवाह गरेका छन् । मिडिया रिपोर्टका अनुसार विवाहपछि याे नवविवाहित जोडीले साथीभाइ र आफन्तबाट निकै महँगो उपहार पाएका छन् । रिपोर्टका अनुसार सुनील शेट्टीले आफ्नी छोरी र ज्वाइँलाई मुम्बईमा ५० करोडको आलिशान अपार्टमेन्ट उपहार दिएका छन् ।

सुनील शेट्टीका नजिकका साथी सलमान खानले अथियालाई १.६४ करोडको अडी कार उपहार दिएका छन् । ज्याकी श्राफ र अर्जुन कपुरले पनि आथिया र राहुललाई महँगो उपहार दिएका छन् ।

मिडिया रिपोर्टका अनुसार आथियाका विशेष साथी तथा अभिनेता अर्जुन कपूरले उनलाई १.५ करोडको हीराको ब्रेसलेट दिएका छन् भने ज्याकी श्राफले आथियालाई ३० लाखको लग्जरी घडी उपहार दिएका छन् ।

राहुलका नजिकका साथी विराट कोहलीले उनलाई २.१७ करोडको बीएमडब्ल्यू कार उपहार दिएका छन् । योसँगै भारतका पूर्व कप्तान महेन्द्र सिंह धोनीले पनि राहुललाई ८० लाख रुपैयाँको कावासाकी निन्जा बाइक उपहार दिएका छन् ।

अथिया र राहुलको विवाह २३ जनवरीमा सुनील शेट्टीको खण्डाला फार्महाउसमा भएको थियो । यो विवाह निकै गोप्य राखिएको थियो । विवाहमा १०० जनालाई मात्र निम्तो दिइएको थियो ।