ओडिशाका स्वास्थ्यमन्त्री नवकिशोर दासमाथि घातक हमला भएको छ । भारतीय सञ्चारमाध्यमका अनुसार कार्यक्रममा सहभागी हुन गएका मन्त्रीमाथि उनकै सुरक्षामा खटिएका एएसआई गोपाल दासले गोली प्रहार गरेका छन् ।

मिडियाका अनुसार उनको अवस्था गम्भिर छ । उनलाई हेलिकप्टरबाट भुवनेश्वर लगिएको छ ।

यता प्रहरीले गोली चलाउने असई गोपालदासलाई नियन्त्रणमा लिएको छ । उनीमाथि सोधपुछ भइरहेको छ । तर अहिलेसम्म अभियुक्तले आक्रमणको कारण भने खुलाएका छैनन् ।

प्रहरीले बताए अनुसार गाडीबाट ओर्लनेबित्तिकै असई दासले मन्त्रीमाथि चार–पाँच राउण्ड फायर गरेका थिए ।