शनिबार, मंसिर २०, २०८२

उपचार माग्दै बिरामी र आफन्तद्वारा वीर अस्पताल अगाडि प्रदर्शन

मेरोन्यूज २०७९ माघ २९ गते १०:५७

काठमाडौं । चिकित्सकहरूको आन्दोलनका कारण मर्कामा परेको भन्दै बिरामी र उनीहरूका आफन्तले विर अस्पताल अगाडि प्रदर्शन गरेका छन् ।

चिकित्सक र स्वास्थ्यकर्मीहरूको आन्दोलनका कारण वीरलगायत विभिन्न अस्पतालमा आज आकस्मिक बाहेकका सेवा ठप्प छन् । त्यसैको विरोधमा पीडित बिरामी र उनीहरूका आफन्तले प्रदर्शन गरेका हुन् ।

टाढा टाढाबाट उपचारका लागि आएका बिरामीहरूले सेवा नपाउँदा आक्रोशित बनेर अहिले वीर अस्पताल बाहिर स्वास्थ्य सेवा माग्दै नाराबाजी गरेका हुन् ।

राष्ट्रपतिको सवारीका क्रममा चिकित्सकमाथि प्रहरीले हातपात गरेको भन्दै नेपाल चिकित्सक संघले आन्दोलनको घोषणा गरेको थियो । स्वास्थ्य मन्त्रालय घटनाप्रति दुःख व्यक्त गर्दै आन्दोलन फिर्ता लिन आग्रह गरिसकेको छ ।

प्रतिक्रिया