काठमाडौँ । नेपालले क्रिकेट विश्वकप लिग २ मा पपुवा न्यु गिनी (पीएनजी)विरुद्धको खेल जित्न १८० रनको लक्ष्य पाएको छ ।

टस जितेपछि ब्याटिङमा आएको पीएनजीले दुबई अन्तर्राष्ट्रिय क्रिकेट मैदानमा ४९.२ ओभरमा १७९ रन बनााउँदै अलआउट भएको हो ।

ओपनर टोनी उराले पपुवा न्यु गिनीबाट सर्वाधिक ३९ रन बनाए । अर्का ओपनर किप्लन डोरिगाले २६ रन बनाए ।

नेपालका लागि दीपेन्द्रसिंह ऐरी र सोमपाल कामीले २–२ विकेट लिए । करण केसी, कुशल मल्ल र सन्दीप लामिछानेले १–१ विकेट लिए ।

लिग २ मा नेपालले पीएनजीविरुद्ध यसअघि भएका तीन खेल नै जितेको थियो । तीनै खेल दुबईमा भएको थियो ।