काठमाडौँ । सरकारले दूधको न्युनतम मूल्य वृृद्धि गर्ने निर्णय गरेको छ । शुक्रबार बसेको मन्त्रिपरिषद्को बैठकले दूधको न्यूनतम मूल्य ५६ रुपैयाँ ४० पाैसाबाट वृद्धि गरेर ६५ रूपैयाँ ५० पैसा बनाउने निर्णय गरेको हो ।

किसानले दूधको उचित मूल्य पाउन नसकेको गुनासो बढिरहेको अवस्थामा किसानको हितलाई ध्यानमा राखेर न्यूनतम मूल्य निर्धारण गरेको हो ।

योसँगै उपभोक्तालाई दूधको मूल्य कम्तीमा प्रतिलिटर १० रुपैयाँ बढेको छ । सरकारी स्वामित्वको डीडीसीले हाल फ्याट निकालिएको निलो प्याकेटको दूध प्रतिलिटर ८६ रुपैयाँमा बिक्री गर्दै आएको छ । अब उक्त दूधको मूल्य ९६ रुपैयाँ पुग्ने भएको छ ।