काठमाडौँ । आइसिसी विश्वकप लिग २ त्रिकोणात्मक ओडिआई सिरिजअन्तर्गतको खेलमा नेपालले यूएईलाई २३० रनको लक्ष्य दिएको छ । नेपालले निर्धारित ओभरमा ८ विकेट गुमाएर २२९ रनको योगफल बनाएको हो ।

खेलमा भीम सार्कीले अर्धशतक बनाए । उनले ९९ बल खेल्दै ७० रन बनाए । दुबईमा टस जितेसँगै नेपाललाई पहिला ब्याटिङ गर्ने निम्तो दिएको थियो ।

यस्तै, सन्दीप लामिछाने २७ रनमा आउट भए । कुशल मल्लले ३२ बनाउँदा करन केसीले १७ रन बनाए ।

ओपनरद्वय आसिफ शेख ६ र ज्ञानेन्द्र मल्ल ११ रनमा आउट हुँदा दीपेन्द्र सिंह ऐरी ४ तथा रोहित पौडेल १ रनमा आउट भए ।

लिग २ शृंखलाको शीर्ष तीनभित्र रहन नेपालले यो खेल जित्नै पर्ने छ ।