काठमाडौँ । यूएईमा भएको त्रिकोणात्मक आईसीसी विश्वकप लिग टू अन्तर्गतको शृंखला खेलेर नेपाली राष्ट्रिय क्रिकेट टोली स्वदेश फर्किएको छ ।

पपुवा न्युगिनी र यूएई सम्मिलित शृंखलाको चार खेलमध्ये नेपालले तीन खेल जितेको थियो । पपुवा न्युगिनीसँगका दुवै खेल जितेको नेपाल यूएईसँग एक खेलमा पराजित भएको थियो ।

नेपालसँगै यूएईको टोली पनि नेपाल आइपुगेको छ । बाँकी सिरिजका लागि पूएई नेपाल आइपुगेको हो ।

कीर्तिपुरस्थित त्रिभुवन विश्वविद्यालयको खेल मैदानमा आयोजना हुने शृंखलाको पहिलो खेलमा नेपालले फागुन २५ मा पपुवा न्युगिनीसँग खेल्नेछ ।