काठमाडौँ । ललितपुर महानगरका शिक्षा अधिकृत शेषकान्त पौडेल एक लाख रुपैयाँ घुससहित पक्राउ परेका छन् ।

महानगरको शिक्षा महाशाखामा कार्यरत उनलाई अख्तियार दुरुपयोग अनुसन्धान आयोग टंगालको टोलीले बिहीबार घुस रकम लिइसकेको अवस्थामा कार्यकक्षबाटै पक्राउ गरेको हो ।

अख्तियारका सहायक प्रवक्ता देवीप्रसाद थपलियाका अनुसार पौडेलले शिक्षक सरुवा गर्न सहजीकरण गरिदिएवापत घुस मागेको भन्ने सूचनाका आधारमा अख्तियारको टोली ललितपुर महानगर कार्यालय पुगेको थियो । यस विषयमा थप अनुसन्धान गर्ने  थपलियाले बताए ।