काठमाडौँ । सभामुख देवराज घिमिरेले राष्ट्रिय अर्थतन्त्र बलियो बनाउन सरकार र निजी क्षेत्र एक ठाउँमा आउन आवश्यक रहेको बताएका छन् ।

शनिबार धुलिखेलमा भएको नेपाल राष्ट्रिय व्यवसायी महासंघको पाँचौं साधरण सभालाई सम्बोधन गर्दै सभामुख घिमिरेले राष्ट्रिय अर्थतन्त्र बलियो बनाउन सरकार, संसद र निजी क्षेत्र एक ठाउँमा आउन आवश्यक रहेको बताएका हुन् ।

‘राष्ट्रिय अर्थतन्त्रलाई बलियो बनाउने र आर्थिक कारोबारमा एकतर्फी ढङ्गबाट ब्याज वृद्धि गर्ने र देशको संकट सामना गर्न नीति क्षेत्रलाई उत्साहित र प्रोसाहित गर्न नपुगी रहेको वर्तमान परिस्थितिलाई चाडै अन्त्य गर्न सरकार, संसद, सांसद र नीजि क्षेत्रको भूमिका एक ठाउँ ल्याउन आवश्यक छ,’ उनले भने, ‘व्यवसायीहरूको आन्दोलनभन्दा पनि रचनात्मक रुपमा समाधानको लागि भूमिका खेल्न आवश्यक छ ।’

उनले व्यवसायीहरूलाई व्यवसाय चलायमान बनाउन उत्साहित तथा प्रोत्साहन गर्नु पर्ने भन्दै त्यस्तो काम हुन नसकेको बताए । उनले यस्तो अवस्थामा एकतर्फी रुपमा बैंकको ब्याजदर वृद्धि गर्न नहुने बताएका थिए ।