काठमाडौँ । साताको अन्तिम कारोबार दिन आज नेप्से १०.८७ अंकले गिरावट भएको छ । योसँगै आज १९०८.५५ अंकमा बन्द भएको छ ।

होटल तथा पर्यटन र म्युचुअल फण्डबाहेक सबै उपसूचमा गिरावट आएको हो । होटल तथा पर्यटन उपसूचक भने ०.५० प्रतिशतले बढेको छ ।

नेप्सेमा गिरावट आएसँगै कारोबार रकम एक अर्ब कम भएको छ । आज ८९ करोड ९५ लाख रुपैयाँको सेयर कारोबार भएको छ ।

आज शिवम् सिमेन्टको सर्वाधिक पाँच करोडको कारोबार हुँदा हिमालयन डिस्टिलरीको तीन करोड १२ लाख र जीवन विकास लघुवित्तको दुई करोड १४ लाखको कारोबार भएको छ ।