काठमाडौँ । डिजिटल बैंकिङ्गलाई सधै प्राथमिकतामा राख्दै आएको सिटिजन्स बैंक इन्टरनेसनल लिमिटेडले आफ्नो १६ औं वार्षिकोत्सवको उपलक्ष्यमा आकर्षक छुट योजनाहरु सार्वजनिक गरेको छ ।

वैशाख ७ गतेको वार्षिकोत्सवलाई लक्षित गर्दै बैंकले वैशाख १ गतेदेखि वैशाख ७ गतेसम्म लागू हुने गरी बैंकका विभिन्न क्यास लेस कारोबारमा भारी छुटलगायत योजना सार्वजनिक गरेको हो ।

योजनाअन्तर्गत डेविट/क्रेडिट कार्ड प्रयोगकर्ताहरुले पस मेसिन र अनलाइनमार्फत हजार रुपैयाँ वा बढीको कारोबार गर्दा १६ प्रतिशत वा दुई सय रुपैयाँसम्म क्यासब्याक दिइने छ । यसैगरी क्यु आर कोडमार्फत भुक्तानी गर्ने ग्राहकका लागि ५०० वा बढीको कारोबार गर्दा १६ प्रतिशत वा बढीमा दुई सय रुपैयाँसम्म क्यासब्याक प्रदान गरिने बैंकले जनाएको छ ।

यस्ता नगदरहित कारोबारमा हुने छुट योजनाबाट डिजिटल बैंकिङको विकासमा टेवा पुग्नुका साथै ग्राहकवर्गलाई समेत लाभ पुग्ने विश्वास बैंकले लिएको छ । सिटिजन्स बैंक इन्टरनेसनल लिमिटेडले देशैभरी फैलिएका आफ्ना १८२ वटा शाखा, १३९ वटा ए.टि.एम, तीन विस्तार काउन्टर र ९७ वटा शाखारहित बैंकिङ्ग इकाईहरुबाट सेवाहरु प्रदान गर्दै आएको छ ।