काठमाडाैं । जनवरी २५ मा रिलिज भएको शाहरुख खानको थ्रिलर फिल्म ‘पठान’ले बक्स अफिसमा सफलता हासिल गरेर इतिहास रच्यो। ४ वर्षको अन्तरालपछि फिल्ममा फर्केका शाहरुख खानले हिन्दी सिनेमालाई पठानको रूपमा अल टाइम ब्लकबस्टर फिल्म दिए । फिल्ममा उनी अलावा दिपिका पादुकाेण र जाेन इब्राहम मुख्य भूमिकामा देखिएका थिए ।

फिल्मको कुल बजेट २७० करोड रुपैयाँ भारु थियो। फिल्मले भारतीय बक्स अफिसमा मात्र कुल ५४५ करोड रुपैयाँ भारू कमाएको छ भने विदेशमा ३९६.०२ करोड रुपैयाँ कमाएको छ ।

भारतीय मिडियाका अनुसार चलचित्रले स्याटेलाइट र डिजिटल अधिकारबाट १५० करोड रुपैयाँ भारू कमाएको छ । त्यस्तै, निर्माताले संगीत र अनुदानबाट ३० करोड रुपैयाँ पाएका छन् । समग्रमा पठानले २७० करोडको लगानीमा बनेर ६०३ करोड कमाइ गर्दै ३३३ करोड भारू नाफा जाेगाएकाे छ ।

फिल्ममा शाहरुखले कुनै पारिश्रमिक नलिएर ६० प्रतिशत सेयर रोजेका थिए । यसरी पठानको कुल कमाईमध्ये शाहरुखले करिब २०० करोड रुपैयाँ लिएका छन् ।