काठमाडाैं । वलिउड अभिनेत्री आलिया भट्टले हालै मुम्बईमा अपार्टमेन्ट किनेकी छन् । रिपोर्टका अनुसार आलियाले आफ्नो प्रोडक्शन हाउस इटरनल सनसाइन प्रोडक्सन प्रालि मार्फत अपार्टमेन्ट किनेकी हुन्।

आलियाको यो अपार्टमेन्ट २ हजार ४९७ स्क्वायर फिटमा फैलिएको छ। उनले यो सम्पत्ति गोल्ड स्ट्रिट मर्केन्टाइल कम्पनीबाट किनेकी हुन् ।

फ्ल्याट यहि अप्रिल १०मा दर्ता भएको थियो । आलियाले यो फ्ल्याटको लागि ३७.८० करोड भारु तिरेकी छिन् । यसबाहेक उनले २ करोड २६ लाख रुपैयाँ स्ट्याम्प शुल्क पनि तिरेकी छन् ।

आलियाले थप दुई फ्ल्याट समेत किनेकी छन् जाे उनले आफ्नी बहिनी शाहिनलाई उपहार दिएकी छन् । उनले यी दुवै फ्ल्याट सन् २०१५ मा अनुपम खेर र उनकी श्रीमती किरण खेरबाट ८.९९ करोडमा किनेकी थिइन् ।