काठमाडौँ । गर्मीयाम सुरु भएसँगै स्वास्थ्य तथा जनसंख्या मन्त्रालयले डेंगु नियन्त्रण गर्न अनुरोध गरेको छ ।

मन्त्रालयले डेंगु नियन्त्रण गर्न हरेक शुक्रबार कार्यालय वरपर १० मिनेट सरसफाई अभियान सञ्चालन गर्न आग्रह गरेको हो ।

यस वर्ष पनि डेंगुका बिरामी बढ्ने भन्दै मन्त्रालयले हरेक शुक्रबार बिहान साढे १० बजे १० मिनेट सरसफाई गर्न आग्रह गरेको हो ।

मन्त्रालयले सबै सरकारी तथा सार्वजनिक कार्यालयका हाताभित्र र वरपर सरसफाई अभियान चलाउन आग्रह गरेको हो ।

मन्त्रालयले बिहीबार एक विज्ञप्ति पत्र जारी गर्दै डेंगु संक्रमण रोकथाम नियन्त्रणमा आम सर्वसाधारण, निजी क्षेत्र र सरोकारवालालाई आफ्नो ठाँउबाट सहजीकरण र समवन्य गर्न आग्रह गरिएको छ ।