काठमाडाैं । अभिनेत्री जिया खान आत्महत्या प्रकरणमा सीबीआईको विशेष अदालतले शुक्रबार सुरज पञ्चोलीलाई सफाइ दिएको छ । फैसला सुनाउने समयमा सुरज अदालतमा उपस्थित थिए । अदालतले सुरजतपाईविरुद्धकाे प्रमाण पर्याप्त नभएकाे भन्दै सफाइ दिएकाे हाे । सुरजमाथि अभिनेत्रीलाई आत्महत्या गर्न उक्साएको आरोप लागेको थियो ।

जियाले ३ जुन २०१३ मा मुम्बईस्थित आफ्नो फ्ल्याटमा आत्महत्या गरेकी थिइन् । घटनाको १० वर्षपछि आज यस विषयमा निर्णय आएको हो । जियाकी आमाको उजुरीमा अभिनेता तथा प्रेमी सूरज पंचोली पक्राउ परेका थिए । २०१३ जुन १० मा सुरज पक्राउ परेर २२ दिन जेल समेत बसेका थिए ।

जियाको घरबाट प्रहरीले ६ पृष्ठको सुसाइड नोट प्राप्त गरेको थियो । जसका अनुसार जिया सूरजसँगको सम्बन्धको कारण निकै दुखी थिइन् । यसपछि जियाकी आमा राबिया खानले सूरजविरुद्ध मुद्दा दायर गरिन् । सूरज अभिनेता आदित्य पञ्चोली र जरिना वहाबका छोरा हुन् ।

जिया खानले आफ्नो डेब्यू फिल्ममा अमिताभ बच्चनसँग काम गरेकी थिइन् ।