काठमाडौं । बलिउड अभिनेता अमिताभ बच्चन र अनुष्का शर्माविरुद्ध मुम्बई प्रहरीले कारबाहीको तयारी थालेको छ । ट्राफिक जामबाट बच्न सोमबार यी दुवैले आफ्नो कार छोडेर बाइकमा लिफ्ट लिएर यात्रा गरेका थिए । यसैबीच उनीहरुको तस्विर र भिडियो सार्वजनिक भएको थियो ।

अमिताभले सार्वजनिक गरेको तस्बिरमा न त उनलेले हेल्मेट लगाएका थिए न त बाइक चालकले । त्यस्तै सार्वजनिक भिडियाेमा अनुष्का पनि हेलमेट नलगाई यात्रा गरिरहेकी देखिएकी छन् ।

सामाजिक सञ्जाल प्रयोगकर्ताहरूले दुवै स्टारविरुद्ध हेलमेट बिना बाइकमा बसेकोमा आलोचना र गुनासो गरेका थिए, जसका कारण मुम्बई प्रहरीले उनीहरुमाथी कारबाही थालेको हो ।

मुम्बई पुलिसले यस विषयमा ट्राफिक प्रहरी शाखालाई निर्देशन दिएको बताएको छ ।