काठमाडौं । मनोज बाजपेयी यतिबेला आफ्नो आगामी फिल्म ‘सिर्फ एक बन्द काफी है’ लाई लिएर चर्चामा छन् । हालै फिल्मको प्रमोशनका क्रममा उनले दिवंगत अभिनेता सुशान्त सिंह राजपुतको बारेमा कुरा गरेका छन् ।

उनले भने, ‘फिल्म क्षेत्रमा धेरै राजनीति हुन्छ । अगाडि बढ्दा यो राजनीति झनै फोहोर हुँदै जान्छ ।’

मनोजले आफू र सुशान्त एकअर्काको निकै नजिक रहेको बताए । उनले सुशान्त जिद्दी भएकाले यहाँको राजनीति झेल्दै गएको र पछि सहन नसकेको बताए । सुशान्तले आत्महत्याजस्तो कदम चाल्ने आफुले कहिल्यै नसोचेको उनले बताए ।

मनोजले भने, ‘सुशान्त स्टार बन्न चाहन्थे । स्टार बन्नको लागि धेरै मान्छे छोड्नुपर्छ ।’

‘यहाँ प्रतिस्पर्धा अधिकतम छ। अभिनयमा आउने जो कोही पनि स्टार बन्न चाहन्छन् ।’ उनले भने ‘सुशान्त शुद्ध मनका थिए । ऊ भित्रबाट एक बच्चा थिए। उनले बलिउडको राजनीति बुझ्न सकेनन्।’

सुशान्त १४ जुन, २०२० मा बान्द्रा स्थित उनको घरमा रहस्यमय रूपमा मृत फेला परेका थिए।