काठमाडौँ । भारतमा जारी इन्डियन प्रिमियर लिग (आईपीएल) २०२३ को फाइनल खेलमा गुजरात टाइटन्स (जीटी)ले चेन्नई सुपर किंग्स (सीएसके)लाई २१५ रनको लक्ष्य दिएको छ ।

आज अहमदाबादको नरेन्द्र मोदी स्टेडियममा साविक विजेता जीटीले २० ओभर खेल्दै चार विकेट गुमाएर २१४ रन बनाएको हो । हिजो हुने खेल वर्षाका कारण रोकिएको थियो ।

खेलमा साही सुदर्शनले ४७ बल खेल्दै सर्वाधिक ९६ रन बनाए । वर्धिमन शाहले ५४ रन बनाउँदा शुभमान गिलले ३९ रन बनाए । यस्तै, कप्तान हार्दिक पाण्डेले २१ रन बनाए ।

बलिङतर्फ मथिशा पथिरानाले दुई विकेट लिए । यस्तै, रविन्द्र जेडिसा र दिपक चाहरले एक–एक विकेट लिए ।