काठमाडौं । नक्कली भुटानी शरणार्थी प्रकरणमा आज (आइतबार) देखि काठमाडौं जिल्ला अदालतमा थुनछेक बहस सुरु भएको छ । थुनचेक बहसका लागि अहिलेसम्म पक्राउ परेका पूर्व उपपप्रधानमन्त्री टोपवहादुर रायमाझी, पूर्व गृहमन्त्री बालकृष्ण खाँण, पूर्व सचिव टेकनारायण पाण्डे लगायतका १८ जनालाई नै काठमार्डौं जिल्ला अदालत ल्याइएको छ ।

जिल्ला न्यायाधीश प्रेमप्रसाद न्यौपानेको इजलासमा आजदेखि थुनछेक बहस हुँदै छ। प्रतिवादीका तर्फबाट अधिवक्ता धेरैलेब हसमा भाग लिने र समय धेरै लिन सक्ने देखेपछि न्यायाधीस न्यौपानेले समय तालिका तोकेका छन् ।

जसअनुसार, तीन दिन सरकारी वकिल, त्यसपछि प्रतिवादीका तर्फबाट वहसमा भाग लिने वकिलहरुलाई ६ दिन र त्यसको भोलिपल्ट सरकारी वकिललाई प्रतिजवाफी बहसका लागि समिय तोकेर मात्र थुनचेक बहसको आदेश दिने गरी समय तालिका तोकेका छन् ।

त्यसो हुादा आगामी जेठ ३१ मा मात्र आदेश आउनेछ ।

सरकारी वकिलहरू महेश खत्री, जनक घिमिरे, सीताराम अर्याल, दिनेश भट्टराई, शेरबहादुर परियार, निर्मला मरासिनी र प्रकाश घिमिरेले बहस गर्ने सरकारी वकिल कार्यालय काठमाडौंका प्रमुख अच्यूतमणि नेउपानेले जानकारी दिए।

पीडितका तर्फबाट बहस गर्न भने अहिलेसम्म एकजना वकिल पनि सम्पर्कमा नआएको उनले बताए।