काठमाडौँ । नेपाली कांग्रेसका महामन्त्री विश्वप्रकाश शर्माले प्रधानमन्त्रीले संसदको रोष्टममा बोल्दै गर्दा सबै उभिएर डिस्टर्ब गरेर सही नगरेको बताए ।

‘एक जना माननीय सदस्यले बोल्दै गर्दा अन्य सदस्यले बोल्दै गर्दा ‘डिस्टर्ब’ भयो, म मान्न सक्छु,’ उनले भने, ‘तर, यो देशको प्रधानमन्त्रीले संसदको रोष्टममा उभिएर बोल्दै गर्दा डिस्टर्ब गर्दा सही भएको छ ?’

सांसद शर्माले अघिल्लो सदनमा दुई-दुई पटक पारित भएको नगारिकता विधेयक विचाराधिन भएको बताए । ‘प्रतिनिधिसभा वा राष्ट्रियसभामा विचाराधिन रहेको भन्नु र प्रतिनिधिसभा वा राष्ट्रियसभामाले दुई-दुई पटक पारित भएको भन्नुमा फरक हुन्छ,’ उनले भने ।

उनले नागरिकता विधेयकको प्रक्रिया वा विषयमा छलफल गर्न बाँकी हुन सक्ने बताए ।