काठमाडौं । प्रतिनिधि सभाको आजको बैठकमा अर्थमन्त्री डा.प्रकाशशरण महतले सांसदहरूले बजेटका सन्दर्भमा उठाएका प्रश्नको जवाफ दिएने भएका छन् ।  

संघीय संसद् भवन नयाँ वानेश्वरमा दिउँसो १ः०० बजे बोलाइएकोको बैठकमा आर्थिक वर्ष २०८।८१ को राजश्व र व्ययको वार्षिक अनुमान (बजेट) मा अर्थमन्त्री डा. महतले जवाफ दिने कार्यसूची संघीय संसद् सचिवालयले सार्वजनिक गरेको छ ।

सरकारका तर्फबाट अर्थमन्त्री डा. महतले १५ जेठमा संघीय संसद्को संयुक्त सदनमा आर्थिक वर्षको बजेट प्रस्तुत गरेका थिए । सो बजेटमाथि २२ जेठबाट सुरु भएको छलफल आइतबारमात्रै सकिएको थियो ।

अर्थमन्त्री डा. महतले प्रतिनिधि सभामा बजेटका सम्बन्धमा उठाएका प्रश्नको जवाफ आइतबार नै भनिए पनि प्रावधिक कारण देखाउँदै जवाफ दिने कार्यक्रम आजका लागि सारिएको थियो ।