काठमाडौँ । राष्ट्रपति रामचन्द्र पौडेल भोलि अस्पतालबाट डिस्चार्ज हुने भएका छन् । उनको स्वास्थ्यमा समस्या भएसँगै आज शहीद गंगालाल राष्ट्रिय हृदय केन्द्रमा भर्ना भएका थिए ।

गंगालाल केन्द्रका कार्यकारी निर्देशक चन्द्रमणि अधिकारीले प्रेस विज्ञप्ति जारी गर्दै मंगलबार नियमित स्वास्थ्य परीक्षण गर्न गएका राष्ट्रपति पौडेललाई भर्ना गरिएको जानकारी दिए । 

निर्देशक डा. अधिकारीका अनुसार उनका चिकित्सको सल्लाहअनुसार राष्ट्रपति पौडेललाई २४ घण्टा अस्पतालमा अवलोकनमा राखिएको छ । बुधबार डिस्चार्ज गर्ने तयारी भएको अधिकारीले जानकारी दिए ।