काठमाडौँ । नक्कली भुटानी शरणार्थी प्रकरणमाथि भइरहेको थुनछेक बहस आजदेखि सकिएको छ । प्रतिवादीका तर्फबाट गत २१ जेठबाट सुरु भएको थुनछेक बहस १२ औं दिनमा सकिएको हो ।

ठगी, कीर्ते, संगठित अपराध तथा राज्यविरुद्धको कसुरका मुद्दामा ३० जनालाई प्रतिवादी कायम गरी जिल्ला सरकारी वकिलको कार्यालय काठमाडौँमा मुद्दा दायर भएको थियो ।

दायर गरेको मुद्दामा प्रतिवादीहरूले बढी संख्यामा कानुन व्यवसायी राखेसँगै बहस लामो हुँदा धेरै दिन लागेको हो ।

आज प्रतिवादीका तर्फबाट थुनछेक बहस सकिएसँगै भोलि शुक्रबार खाजा समयअघिसम्म जवाफी बहस सकाउन इजलासले समय दिएको छ ।

झण्डै २८ करोड रुपैयाँ बिगो माग दाबी गर्दै दायर भएको मुद्दामा काठमाडौं जिल्ला अदालतका न्यायाधीश प्रेमप्रसाद न्यौपानेको इजलासमा सुनुवाइ भएको थियो ।