काठमाडौँ । मैत्रीपूर्ण फुटबल खेलमा नेपाल फिलिपिन्ससँग १–० गोलले पराजित भएको छ ।

साफ च्याम्पियनसिपको तयारी स्वरुप आज भएको मैत्रीपूर्ण खेलमा फिलिपिन्सका लागि ४९ औँ मिनेटमा जार्भी गायसोको गोल निर्णायक भएको हो ।

नेपालले फल गरेपछि मिक ओटको कर्नरमा गोलरक्षक किरण लिम्बु र नेपाली खेलाडी कर्नर जोगाउन नसकेपछि जाभीले गोल गरेका हुन् ।

नेपाली टोली मैत्रीपूर्ण खेल खेल्दै साफका लागि भारत प्रस्थान गर्नेछ । साफ च्याम्पियनसिप जुन २१ देखि जुलाई ४ सम्म भारतको बैंग्लोरमा हुने भएको छ ।