काठमाडौँ । अनलाइन बेटिङको प्रवर्द्धन गरेको आरोपमा पक्राउ परेका पाँच कलाकार र तीन जना युट्युबरलाई ४ दिन हिरासतमा राख्न अनुमति दिएको छ ।

काठमाडौँ जिल्ला अदालतमा प्रहरी परिसर काठमाडौँले उनीहरुलाई उपस्थित गराएकामा चार दिन हिरासतमा राखेर अनुसन्धान गर्न अनुमति दिएको हो ।

काठमाडौँ उपत्यका अपराध अनुसन्धान कार्यालयको टोलीले बिहीबार कलाकारहरू राजु पौडेल (राजु मास्टर), मरिचमान श्रेष्ठ (बल्छी ध्रुवे), भटभटे माइला (बेगम नेपाली), पवन खतिवडा (म्याकुरी) र सरोज घिमिरेलाई पक्राउ गरेका हुन् ।

यस्तै, युट्युबर अलिस राई, जलन घर्ती मगर र गणेश देवकोटालाई राजधानीको विभिन्न स्थानबाट पक्राउ गरिएको थियो । उनीहरूले बेटिङलाई प्रमोशन गरेको आरोप प्रहरीले जनाएको छ ।