काठमाडौं । बचतकर्ताको १४ अबै रूपैयाँभन्दा बढी रकम हिनामिना गरेको आरोप लागेका शिव शिखर बहुउद्देश्यीय सहकारीका अध्यक्ष केदारनाथ शर्मा पक्राउ परेका छन्। प्रहरीको केन्द्रीय अनुसन्धान (सीआईबी)को टोलीले शर्मालाई भारतको मुम्बईबाट पक्राउ गरेको हो ।

शर्मा मुम्बईमा लुकेर बसेको सूचना पाएर त्यहाँ पुगेको सीआईबीको टोलीले पक्राउ गरेको हो ।

शर्मालाई मुम्बईस्थित एकजना भारतीय विधायकको घरमा लुकिछिपी बस्दै आएको अवस्थामा पक्राउ गरेको सीआईबीले जानकारी दिएको छ ।

भक्तपुरमा केन्द्रीय कार्यालय रही देशका विभिन्न सहरमा शाखा सञ्चालन गरेको यो शहकारीले बचकर्ताको १४ अर्ब रुपैयाँभन्दा बढी रकम ठगी गरेको उजुरी परेको छ।

उपत्यकाका ३ वटै जिल्ला काठमाडौं, ललितपुर र भक्तपुरसहित उपत्यका बाहिर पनि प्रमुख शहरहरुमा शाखा विस्तार गरेको सहकारीका सञ्चालविरुद्ध सबै शाखाका बचतकर्ताले उजुरी गरेका छन्।

अध्यक्ष शर्माले भारतमा पनि संस्था खोलेको पाइएको प्रहरीले जनाएको छ । प्रहरीले भारतमा श्रीमती गीताको नाममा शिखर अर्गनाइजेसन नामको संस्था खोलेको पाइएको जानकारी दिएको छ ।

प्रहरीले शर्माकी श्रीमती गितालाई यसअघि नै पक्राउ गरिसकेको छ ।