काठमाडौँ । ललिता निवास जग्गा प्रकरणको पुनः अनुसन्धान थालेको प्रहरीले पूर्वनिर्वाचन आयुक्त सुधीरकुमार शाहलाई पक्राउ गरेको छ ।

केन्द्रीय अनुसन्धान ब्यूरो (सीआईबी)को टोलीले उनलाई पक्राउ गरेको हो । उनी २०७३ फागुन ५ देखि २०७५ चैत २८ गतेसम्म निर्वाचन आयुक्त थिए ।

ललिता निवासको जग्गा शाहले श्रीमतीको नाममा बकस लिएको अनुसन्धानमा देखिएको थियो । जसमा उक्त जग्गा हिनामिना गर्न उनको समेत मिलेमतो रहेको भन्दै सीआईबीले पक्राउ गरेको हो ।

सीआईबीले यस प्रकरणमा अनुसन्धान गर्न भाटभटेनीका साहु मीनबहादुर गुरुङसहित ६ जनालाई पक्राउ गरिसकेको छ ।

सीआइबीले डिल्लीबजार मालपोत कार्यालयका तत्कालीन कर्मचारीहरू कलाधर देउजा, हुपेन्द्रमणि केसी, धर्मप्रसाद गौतम, सुरेन्द्रमान कपाली, गोपाल कार्कीलाई पक्राउ गरिसकेको छ ।