काठमाडौँ । मौरिसस पठाइदिने भन्दै रकम ठगी गरेको अभियोगमा सिरहा गोलबजार नगरपालिका ६ घर भएका एक जना पक्राउ परेका छन् । पक्राउ पर्नेमा ४४ वर्षीय भविन्द्र नाथ लामा रहेका छन् ।

लामाले एक जनालाई वैदेशिक रोजगारका लागि मौरिसस पठाएर गार्मेण्ट सिलाईमा मासिक एक लाख रुपैयाँभन्दा बढी तलबमा काम लगाइदिन्छु भन्दै प्रलोभनमा पारी साढे चार लाख रूपैयाँ ठगी गरेका दिए ।

काठमाडौँ उपत्यका अपराध अनुसन्धान कार्यालय मिनभवनबाट खटिएको प्रहरी टोलीले उनलाई काठमाडौँ महानगर १६ वनस्थली ढुंगेधाराबाट पक्राउ गरेको हो । 

उनलाई थप अनुसन्धान तथा कारबाहीका लागि वैदेशिक रोजगार विभाग ताहाचल काठमाडौँ पठाइएको छ ।