काठमाडौं । तीन वाणिज्य बैंकहरुले शनिबार विदाको दिनमा पनि बैंकिङ सेवा प्रवाह गर्ने भएका छन् । भोलि सानिमा बैंक, एनएमबि बैंक र कृषि विकास बैंकले सेवा प्रवाह गर्ने जनाएका हुन् ।

सानिमा बैंकले ग्राहकहरुको आवश्यकतालाई मध्यनजर गर्दै शनिबार पनि सेवा सुचारु राख्ने भएको हो । कम्पनीले सम्पूर्ण कार्यालय बिहान १० बजेदेखि अपरान्ह १ः३० बजेसम्म खुला राख्ने जनाएको छ ।

त्यस्तै, एनएमबि बैंक लिमिटेडले पनि अधिकांश शाखा खुला गरी सेवा दिने जनाएको छ । कम्पनीले एक सूचना प्रकाशित गर्दै ग्राहकहरुको आवश्यकतालाई मध्यनजर गर्दै सेवा सुचारु राख्ने जनाएको छ । बैंकले सातै प्रदेशका अधिकांश शाखाबाट विभिन्न समयमा खुलाई सेवा प्रवाह गर्ने जनाएको हो ।

कृषि विकास बैंकले पनि आफ्ना सेवा पुर्णकालीन रुपमा खुला गर्ने जनाएको छ ।