काठमाडौँ । लगातार दुई खेलमा पराजय भोगेपछि एसीसी इमर्जिङ टिम्स एसिया कप क्रिकेट प्रतियोगिताको उपाधि होडबाट नेपाल र संयुक्त अरब इमिरेट्स (यूएई) बाहिरिएका छन् ।

दुवै टिम भारत ‘ए’ र पाकिस्तान ‘ए’सँग पराजित हुँदै उपाधी होडबाट बाहिरिएका हुन् ।

नेपाले दोस्रो खेलमा सोमबार भारतको ‘ए’ टोलीसँग र पहिलो खेलमा शुक्रबार पाकिस्तानसँग पराजित भयो ।

पाकिस्तान र भारत भने उपाधी होडमा अगाडि बढेका छन् । लगातार दोस्रो जितसँगै भारत र पाकिस्तान प्रतियोगिताको नकआउट चरणमा प्रवेश गरेका छन् ।

भारत र पाकिस्तान दुबैको चार-चार अंक छ । नेपाल र यूएई हालसम्म अंकविहीन छन् । नेपालले समूहगत चरणको अन्तिम खेल बुधबार यूएईसँग खेल्नेछ ।