काठमाडौं । एसीसी इमर्जिङ टिम्स एसिया कपको अन्तिम खेलमा यूएईले आठाैं विकेट गुमाएको छ । यूएईविरुद्ध ‘पार्टटाइम’ बलर कुशल भुर्तेल एक्लैले ६ विकेट लिएका हुन् ।

श्रीलंकामा जारी खेलमा टस जितेर यूएईले नेपाललाई पहिला बलिङका लागि निम्तो दिएको थियो ।

यो समाचार तयार पार्दासम्म यूएईले ३७ ओभरमा ८ विकेट गुमाएर १३९ रन जोडेको छ ।

समूह ‘बी’ मा रहेका नेपाल र यूएई दुवै प्रतियोगिताको समूह चरणबाटै बाहिरिसकेका छन् । अघिल्ला दुवै खेलमा पराजित हुँदै नेपाल र यूएई प्रतियोगिताबाट बाहिरिएका थिए ।

नेपाल पहिलो खेलमा पाकिस्तान ए सँग ४ विकेट र दोस्रो खेलमा भारत ए सँग ९ विकेटले पराजित भएको थियो । यूएई भारतसँग ८ विकेट र पाकिस्तानसँग १८४ रनले पराजित भएको थियो ।

आजै भारत र ए र पाकिस्तान ए बीच खेल हुनेछ । यस खेलले समूह विजेता र उपविजेताको टुङ्गो लाग्नेछ ।